|
|||||||||||||||||||||||||||
Burada siz
bizim məktəb haqqında
məlumatlar tapa bilərsiz.
Cülyan kənd
orta məktəbi 1929-cu ildən ibtidai,1963-cü ildəb əsas məktəb,1983-cü ildən isə
orta məktəb kimi fəaliyyət göstərir.2008- ci ilin sentyabr ayınadək tədris
köhnə,uyğunlaşdırılmış binada aparılırdı.
Hörmətli Prezidentimiz İlham Əliyevin qayğısı və köməkliyi ilə qısa müddətdə 220 şagird yeri olan yeni
məktəb binası tikilərək istifadəyə
verildi.Kollektivimiz üçün çox sevindirici haldır ki,illərlə arzuladığımız yeni məktəb binası tikildi və
binanın açılışında Təhsil
Naziri,hörmətli Misir Mərdanov cənabları da iştirak etdi.O məktəbdəki
şəraitlə tanış oldu , tədrisin vəziyyəti ilə maraqlandı və öz tövsiyələrini
verdi.Bu diqqətə görə kollektivimiz adından
hörmətli Misir müəllimə minnətdarıq.Məktəbdə 238 nəfər şagirdin
təlim-tərbiyəsi ilə 26 nəfər müəllim məşğul olur.Fənn müəllimləri ilə 100
% təmin olunmuşdur.Yeni məktəb binasında
tədris üçün lazım olan bütün şərait yaradılmışdır.H.Əliyev,əlaçılar,tarix-diyarşünaslıq
və şagirdlərin əl işlərindən ibarət
güşələr yaradılmışdır.Məktəbdə
idman zalı, kitabxana,bufet,2 laboratoriya və 8 fənn
kabineti şagirdlərin istifadəsinə
verilmişdir.
Məktəb
2005-ci ildən müstəqil maliyyələşmə ilə işləyir. 13 şagirdə 1 kompyüter olmaqla
18 kompyüter və digər İKT avadanlıqları vardır.Müəllim-şagird nisbəti
1:11-dir.Məktəb 5 günlük iş
həftəsi ilə,bir növbəli iş rejimi ilə işləyir. Respublika təhsilində gedən denişmiqyaslı məzmun
islahatları məktəbdə təlim şəraitinin yaxşılaşdırılması,tədrisin
keyfiyyətinin yüksəldilməsi
və müəllimlərin pedaqoji ustalığının artırılması istiqamətində əsaslı dönüş yaratmışdır.
Məktəbin bütün müəllimləri Təhsil Nazirliyinin və “Mədəd” humanitar
təşkilatının birgə hazırladıqları İKT kurslarının sertifikatını almışlar.Hər
bir müəllim işinə yüksək məsuliyyətlə yanaşaraq dərslər müasir tələblər
səviyyəsində qurmağa çalışır.Fərəhlə deyə bilərəm ki,müəllimlərimizin 60 %-dən
çoxu İKT avadanlıqları ilə işləməyi bacarırlar. Son üç ildə bir müəllimimiz “Qabaqcıl
Təhsil işçisi” döş nişanına (Şabanov İxtiyar Seyfəddin oğlu),iki nəfər isə
Təhsil Nazirliyinin “Təşəkkür”ünə(Abdullayev Tahir Şıxalı oğlu və Yəhyayeva Məryəm Əlibəy qızı)
layiq görülmüşdür. Bunun nəticəsidir ki,Cülyan kənd orta məktəbinin məzunları
hər il ali məktəblərə qəbulda fərqlənir.
Belə ki, son illərdə ali məktəblərə 62
nəfər məzun qəbul olmuşdur ki,onlardan 11 nəfəri 500-700 arasında bal toplamışdır.Məktəbin
məzunu Natiq Mursalov 664 balla Bakı
İqtisad Universitetinin beynəlxalq
iqtisadi münasibətlər fakültəsinə qəbul olmuşdur.O,Fransada magistratura təhsili almış və hazırda
Fransanın Azərbaycandakı səfirliyində
çalışır.Nurlan Qədirli 620 balla Polis Akademiyasına,Valeh Şabanov 598
balla Bakı Dövlət Universitetinə,Nərmin
Oruclu 594 balla ,Elvin İsazadə 660
balla Azərbaycan Dövlət Tibb Unuversitetinə
qəbul olmuşdur. İsazadə Elvin Prezident
təqaüdünə layiq görülmüşdür. Son üç ildə qəbulun nəticələri uğurlu olmuşdur.Ali
məktəblərə sənəd vermiş məzunların 2007-ci ildə 31 faizi,2008-ci ildə 36
faizi və 2009-cu ildə isə 38 faizi ali
məktəblərə qəbul olunmuşdur.
Orta bal
göstəricisi respublika üzrə 2007-ci ildə 203,2008-ci ildə 224,2009-cu ildə 213 ,rayon üzrə 2007-ci ildə
205,2008-ci ildə 245,2009-cu ildə 219,məktəb üzrə 2007-ci ildə 210,2008-ci
ildə 289,2009-cu ildə 243 olmuşdur. Qəbulun nəticələrinə görə Cülyan
kənd orta məktəbi 2006,2008- ci illərdə respublika üzrə yaxşı məktəblər
sırasına daxil edilmişdir.Son illərdə tarix fənni üzrə göstəricilər rayon və
respublika üzrə ən yaxşı göstəricilərdən hesab edilmişdir. Məktəbin ingilis dili
müəllimi Şərafət Bayramov Təhsil Nazirliyinin xətti ilə Litva respublikasında
olmuş,oranın təhsil sistemində tətbiq olunan müasir innovasiyalarla
VI sinif
şagirdi Əlizadə Elxan Okinava karate-do üzrə respublika və MDB çempionu olmuşdur.Sevindirici haldır ki,finalda məğlub etdiyi idmançı Ermənistan təmsilçisi olmuşdur. Məktəbin
20-dən çox məzunu hal-hazırda Milli Ordu,Daxili İşlər və Ədliyyə
orqanlarında yüksək rütbəli vəzifələrdə çalışırlar. İstedadlı şagirdlərin üzə çıxarılması ilə əlaqədar Respublika Prezidentinin fərmanı və Təhsil Nazirinin müvafiq sərəncamına əsasən məktəbdə Kiçik Akademiya yaradılmışdır.Məktəbdə yaradılan “Kiçik Akademiya”da şagirdlər
öz raşdırmalarını
aparır
və elmi işlərini hazırlayırlar.
Akademiya
3 bölmədə(humanitar,təbiət,dəqiq elmlər) fəaliyyət göstərir.”Kiçik Akademiya”nın “Şagird elmi Cəmiyyəti”nin sədri XI sinif
şagirdi Şirnli Emil geniş araşdırma apararaq Azərbaycan xalqının başına gətirilən müsibətləri tədqiq etmiş və elmi cəmiyyətdə məruzə ilə
çıxış etmişdir.
Məktəbin şagirdləri respublika səviyyəli fənn olimpiadaları
və müsabiqələrdə fəal iştirak edirlər.
Belə
ki,müxtəlif illərdə məktəbin şagirdləri:
Fidan Orucova Azərbaycan dili və ədəbiyyatı fənni üzrə I,II,III ;
Natiq Mursalov riyaziyyat fənni üzrə II; Pərvin Orucova Azərbaycan tarixi fənni üzrə II; Osmanlı Murad biologiya fənni üzrə III;
Idrisova Elnurə
Heydər Əliyevin anadan olmasının 86-cı ildönümünə həsr olunmuş
inşa-yazı müsabiqəsində IV dərəcəli diplomlara layiq görülmüşlər.
Bu ənənə
inamla davam etdirilir.
Şagirdləri fənn olimpiadalarının rayon turunda və ali məktəblərə qəbulda fərqləndiklərinə
görə məktəb RTŞ-nin 45 saylı
25.09.2009-cu il tarixli qərarı ilə Fəxri Fərmana layiq görülmüşdür. Məktəbdə əsasını valideynlər təşkil edən Məktəb Şurası fəaliyyət göstərir.Şuranın köməkliyi ilə məktəbin abadlaşdırılması, məktəb sahəsində ağacların əkilməsi və digər tədbirlər həyata keçirilmiş və keçirilməkdədir.
